نكت جزائرية تقتل بالضحك

اليوم حبيت نجيبلكم نكت جزائرية والله غير تموت من الضحك
ادا فهمتوها
قالك واحد مريكاني جا للجزائر وعمل حادث , ايا جا واحد من الشباب البطال وتبرعلو بالدم , كي فطن المريكاني وراح روح للمريكان , راح السفير يزور فيه في نيويورك صابو تحت ناطحة سحاب قاعد و مفرش كرتون ويتكيف في دخان ريم ويقول " ياخي بلاد ياخي

قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف واصرخ عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كشما مواعين نغسلهم

في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...
مرة عروبي شاف لوحةمكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلو
قالك ملا جماعة بخلاء راحوا البحر قالهم واحد منهم لخرج راسو الاول هو لخلص القهوة ملا غطصو روسهم في البحر ماتوا كلهم من كثرة البخل

واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة

واحد الطلاب كان يهدر مع وحدة سمينة قالها 'اعطني الدراهم باش نشري الخبز راني يومين ما كليتش' قاتلو' راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم'
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير

واحد كان يتبع في وحدة قالها "واش بيك تجري واش راه وراك " قاتلو"راه ورايا حمار
حمار شاف خطيبته (حمارة)قالها"وقتاش نتزوجو يا حمارة" قاتلو"كي تسقم هدرتك يا واحد الحمار

قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو"

خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو

واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض

واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار

قالك وواحد قال لباباه "شريلي بورتابل " قالو " نشريلك بصح ركب خوتك معاك

قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول "اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني"

عربي وأمريكي وياباني حطوهم على جهاز كشف الكذب الياباني قال "احنا رانا نفكرو نصنعو إنسان آلي ونستغناو عن البشر"فبدا الجهاز يسينيالي ...الامريكي قال "احنا رانا نفكرو نسكنو فالمريخ " فبدا الجهاز يسينيالي ..العربي قال" احنا رانا نفكرو.." وقبل ما يكمل هدرتو بدا الجهاز يسينيالي

الموضوع منقول
اتمنى ان يعجبكم