ياه على زمان وياهتين على اليووم

يا خسارة دار الزمان ودارت معاه المفاهيم للرجلة وذيك القعدات الشابين أبكي ولا اندب
ولا خبش وجهك تريح دقيقة تندم عام الرجلة في وقتنا رجعت منقوشة ولبزة شحم فوق الراس
وأتكى على الحيط وبست لهذي وهذي ولوكان تلقاها تتحقر تدير روحك ماراكش تشوف
والقعدات رجعت غير فلانة طلعتها وفلانة هبطها وبالاك يجي النهار تلقى ختك مع والطالعين والهابطين

مقدمة شوية قاسية بصح المنطق يقول هكذا البارح كانت الناس منين تدير قعدة تشبع فايدة ومعاني
وتنوض قانع وتتعلم بزاف صوالح بصح اليوم كيما تريح كيما تنوض وبالاك لوكان ماتريحش خير
البارح كانت الرجلة ماتخليكش تشوف عجوزة يسرقوها ولا رافدة الثقيل وأنت تتفرج تحس بالرخص
درك ولا يبلق في عينيه ويزيد فوقها يضحك عليها وبالاك يبدى يقول حاصلة في روحها وراهي رافدة هكذا
ولا يبدى يحسبلها ويقطع ويمنشر نورمال
البارح كان منين يتغبن الواحد يلقى غاشي دايرة بيه يرفد معاه ويحط وإذا خصت حاجا ماتكسرش راسك رانا
هنا واليوم ولات الناس تستشفى في بعضها ولا يقولو بلي ساخط عليه ربي وغيرها
البارح كانت الطفلة منين يسمعو بها رايحة تتخطب يفرحو ويرفدو معاها وصحابتها دايرين بها واليوم يحوسو يفهمو شكون لي خطبها باش يبلولو رايو ويقولو بنتنا خير من هذيك الطفلة واش راك رايح تدي يارجل
مكانش لي يخيط بالخيط لبيض حتى لكبار كانو بكري ينصحو الطفلة شدي دارك ومانفعك غير راجلك درك مع الدخلة يقولولها حلي عينك زيريلو جدو وماتخليلوش النفس وإذا طيرهالك أرفدي روحك وأرجعي لدار باباك
وين راهي المشكلة خاوتي فالنيفو هبط ولا المشاكل جيحت الغاشي ولا واش راه صاري
واش صرى لعقول الغاشي كامل يحوسو على لهنا بصح مايصنعوهش ومايخدموش عليه
هلى بالكم بلي إبليس راه خرج كونجي وقال بلي راه كاين لي مهنيني وكاين حوايج مافكرتش فيهم
كامل راهم لعرب خرجوهم
كل واحد ورأيو كل واحد ووجهة نظرو ماعليا إلا إحترام الرأي والفائدة تعم الجميع إليكم الخط
خاوتي كامل منشرو وكامل قطعو الخط راه ليبر