ستايسو
نائب المدير العام
تاريخ التسجيل : 18/12/2010
الموقع : https://www.facebook.com/staeso
 | | موضوع: صدقنى / صدقينى مافى شى بالدنيا يستاهل !!!!!!!!!!!!!!!!!!!!!!!!!!!!!!!! الخميس 21 أبريل 2011 - 6:44 | |
|
السلام عليكم ورحمة الله وبركاته
إلى كل من عنده / ها هم يثقلها
معطل حياتها
كارهه لأجله دنياها
أقولها وأقول لنفسي قبلها
ماحد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انتي ومشاكلك واحزانك وافراحك وبلاويييييك كله ما يساوي جناح بعوضه
محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
يعني بيوم من الأيام بموت وبيحطوني بالقبر
انت يارب بليتني وانا كانت عندي بلاوي عشان كدة ماطعتك
يارب كانت عندي مشاكل وتعطلت حياتي وقعدت مثل الغبية اصيح عليها
ياجماعه الدنيا تمشي
وما توقف
فهو احنا اللي واقفين
القي كل همومك ورا ظهرك وخلي شعارك
ماحد بالدنيا يستاهل
لا أهل ولوجفوك
ولا زوج بهدلك
ولا صديقه خانتك او جفت عليك
ولا حقير حرق قلبك
الدنيا عندالله جناح بعوضه بس
يعني حتى مو بعوضه
حقيييره ياجماعه
احتسبي كل بلاء عند رب العالمين
واحمدي ربك على كل نعمه انتي عايشتها
حنا في نعمه والله مو حاسين
الناس ..!!
الناس عامليهم بذوق وإسلوب .. وزي ما علمتك امك من يومك صغيره
سوي خير .. سوي خيييير ولا تنتظرين رد من احد
او اعتبار من احد .. اذا بتسوينه سويه لنفسك .. لك إنتي عشان تعيشين مرتاحه
ما تنامين وتقولين زعلت فلانه وضايقت فلانه
وترا الدنيا دواره كما تدين تدان .. ربي ما ينسى ظلم !!
طنشي طنشي طنشي ..!!
فلانه تحكى عنك فلانه تتكلم فلانه ما تحبك ..!!
خليها حلالها .. هو احسن بعد خففت علي ذنوبي .. وعطتني من حسناتها
تعلمي التطنيش والبرود وتوقعي انك تنصدمين .. وكل ما انصدمتي بأحد كل ما صرتي اقوى
كل ما صارت تجاربك وخبرتك الاجتماعيه أحسن وأحسن ..
رمت عليك كلمه .. عادي ولا كأني سمعت .. ان دل يدل على قلة ذوقها وتهذيبها ..
كشرت بوجهك .. ابتسمي !!
واذا رفعت صوتها .. وطي صوتك .. !
واذا اتجنبتك .. تجاهلي وجودها ...
"وترا ما طاح من النجوم اخف للسمـا "
دموعك !!
دموعك ومشاعرك تراها اهم واغلى شي عند البنات وهي الي تتحكم بنفسيتنا وأفعالنا..
حبي نفسك حبي نفسك حبي نفسك ودلعيها ..!! عشان تعيشين مرتاحه...
خلي قلبك لك .. لا صديقه ولا قريبه ولا اي احد يستاهله .. حبي الناس بعقلك مو بقلبك عشان ترتاحين بحياتك ..
نحبهم !! ليش نحبهم في الاخير الي يبكونا وهم مصدر تعاستنا وحزننـا !!
لا تبكين على احد ابداً ابداً مين ما كان ..!!
صدقيني لو كانوا يستاهلون كان ما خلوك تبكين ولا تحزنين ولا تتضآيقين ..
ولا خلوا مجال دمعه وحده تنزل من عينك
العافيــه !!
يكفى انك تمشين وتحركين ادينك ورجليكى
مافكرتي يوم تقولين الحمدلله !!
يارب اني أمشي مو أتسحب من كرسي لسرير وأشوف نظرات الشفقه تحرقني
احمدي ربك على كل نعمه انتي فيها .. الحمدلله !!
المال ..!
تاكلين تشربين تشترين تتسوقين تلعبين بالفلوس بيدينك ورجولك عايشه بأمن وأمان
وتقولين يارب وش هالدنيا الزفتة
فلانه ضيقت صدري وعلانه سوت
وواختي سببت لي مشكله ولا أمي ولا أبوي
أنا ما بدى الدنيا كرهت العالم ياريت اموت !
مره وانا في السوق واحد وأمه اشكالهم جدا مبهدله و واقفين عند محل ذهب
ويطالعون بالذهب الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها
كله على بعضه ما جا 4 شيكل !!!
تخيلوا سأل الولد الي يبيع اذا فيه شي من الذهب الي عارضينه بأربع شيكل قاله لاء يا دوب تشتري فيهم ماء
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!
احمدي ربك عشان ما يسلب نعمته عنك
وصلي لك ركعتين عشان ربي يرحمك
ويرفع عنك ضره
احمدي ربك على العافيه والله يااخوان انا كنت يوم من الأيام ضااايق صدري من موقف صار لي مع استاذة في الجامعه
وأنا أمشي كرهت الدنيا
وكان في قدامي اثنين من الشباب أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم
صم وبكم !!
ما يتكلمون
شباب صغار عمرهم اقل من عشرين والدنيا قدامهم مايتكلمون
ماحد يفهملهم
والله اني استحقرت همي ونفسي
قلت يارب انت انعمت علي انا كل يوم اتكلم مع أهلي
هُم مـآيقدرون
أنا إذا اردت أصرخ صرخت
هُم مـآيقدرون
أنا أدردش مع صحابى والناس أضحك أبكي أنكت أتعرف على كل الناس أتكلم مع أمي أبوي
هُم مـآيقدرون
كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا متضايق وماحد يكلمني
مالي خلق
ولحد حاس فيني
والله ولا شي ولا احد بالدنيا يستـــاهل همي !!
إذا عندك هم صلي ركعتين واطلب ربك يفرجها
لاتذل نفسك لخلقه
ترى كلهم ضعاف
ما راح يسوون لك شي
واحتسب الأجر
احمد ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده كلة امراض
نحنا المرض الخفيف ما نتحمله
احمد ربك على كل بلاء
لأنه خير والله لك
وانت اللي في النهايه بتلاقيه حسنات
ولأن الدنيا ماااشيه
وبتنتهي بيوم من الأيام
ومرح تبقى كل النعم اللي اليوم انت تطولها
ماراح يبقى إلا عملك
نحنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأن الله يعلم بتقصيري !
وقلة صبري ..!!
وضعفي ..!!!
عاوزين كل شي لنا وإذا نقصنا شي
تركنا كل اللي عندنا وقعدنا نبكى طول حياتنا على الناقص
إذا ارتفعت حرارتي ماتحملت وقعدت أصيح طول الليل
و بلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
وش له من الأجر عندالله
ياجماعه فكروا بس وش سويتوا ؟
وشو البلاء العظيم اللي مريت فيه واللي بيكفر لك ذنوبك ؟
هذا طبعاً إذا احتسبت الأجر وماكسبت زيادة سيئات بالقنوط
وسوء معاملتك لاهلك والناس !
إنت عندك مشكله مع زوجتك؟
بلاء في واحد من عيالك؟
مشكله مع صديقه؟
جفاء شخص تحبه؟
ابتلاء في أمك وخواتك؟
عندك أب أو زوج أو أخ
ظالم؟
عندك ابن أو أخ ضايع حارق لك قلبك ؟
مشكله مع زميلة دراسه-عمل؟
حالتك المادية سيئه؟
فيك مرض مزمن خطير؟
أقول في كلا الأحوال احمد ربك إنك مو في فلسطين ولا العراق
عرضك مستباح
دمك مستباح
تصبح وتنام خايف تعد عيالك واخوانك قبل يفجعك الصبح الثاني
بواحد منهم
احمد ربك إذا أصابك واحد من هالإبتلاءات إن ربي رفع عنك بقيتهم
إذا أصبت بالتهاب في الحلق فاحمد الله أنك لم تصاب بسرطان في البلعوم
وإذا أصبت بمرض في القلب فاحمد الله أنك لم تصاب بمرض القلوب الأعظم ( الكفر )
وإذا أصبت بمرض في عينيك فاحمد الله أنك لم تصاب بالعمى
نحنا في نعمه
ليه نجحدها؟
ليه ننكرها؟
ونخلي ربنا يسخط علينا
ربي رحيم
كريم
يعطي ويداه مبسوطتان
ونحنا
نشكي لفلان وعلان
ماحد بينفعك
وإن نفعوك فإن ربي هو اللي يسّر لهم !
في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
ونحنا كل يوم
وش نسوي !
فكر بجد
قاعد على النت
ولا تسولف مع صديقتك عالمسن !
ولا تلفزيون ولا فيلم ..
ولا نااااايم
وربك العظيم جل جلاله نازل يسمع مطالب عبده
ربي مايرد إيدينك إن رفعتها
ربك كريم
عندك مشكله ؟
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!
وربي إن ما أجاب دعوتك ألحين
بيثيبك على دعاؤك
وبتاخذ أجر من إيش؟ مجرد سؤال
وبيبرد على قلبك
ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت
ليه؟
عاوز ينكد حياتك؟
لاوالله لأنه يحبك
ربك يحبك
في أحلى شعور من هذا !!
بلاءك مايزيد من ملكه شي سبحانه
ولا ينفعه بشئ
ينفعك انت
ربك يحبك
عاوز يجمع لك رصيد
تلقاه بعدين
ربك هو اللي بلاك ماتستحي تشكي لغيره ؟
وتعصيه وهو أكرمك بابتلائه؟
أسأل الله أن يرفع عن كل قارئ كربه ويفرج له كل ضيقه ويفتح على قلبه ويهديه وييسر أمره
ويكشف ضره إنه سميع سبحانه مجيب الدعاء
إن رباً كفاك ماكان بالأمس
سيكفيك في غدٍ ما يكون
| |
|
ouadie
Admin
تاريخ التسجيل : 02/10/2009
العمر : 61
الموقع : www.youtube.com
| |
ستايسو
نائب المدير العام
تاريخ التسجيل : 18/12/2010
الموقع : https://www.facebook.com/staeso
| | موضوع: رد: صدقنى / صدقينى مافى شى بالدنيا يستاهل !!!!!!!!!!!!!!!!!!!!!!!!!!!!!!!! الخميس 21 أبريل 2011 - 12:52 | |
| | |
|
